నరసింహ!నీ దివ్య-నామ మంత్రముచేత

నరసింహ!నీ దివ్య-నామ మంత్రము చేత
దురిత జాలము లెల్ల-ద్రోలవచ్చు
నరసింహ!నీ దివ్య-నామ మంత్రము చేత
బలుపైన రోగముల్-బాపవచ్చు
నరసింహ!నీ దివ్య-నామ మంత్రము చేత
రిపు సంఘముల సంహ-రింపవచ్చు
నరసింహ!నీ దివ్య-నామ మంత్రము చేత
దండహస్తుని బంట్ల-దఱుమవచ్చు
తే॥
భళిర!నే నీ మహామంత్ర-బలము చేత
దివ్య వైకుంఠ పదవి సా-ధింపవచ్చు
భూషణవికాస!శ్రీధర్మ-పుర నివాస!
దుష్టసంహార!నరసింహ!-దురితదూర!