అతి విద్య నేర్చుట-యన్న వస్త్రములకే

సీ॥

అతి విద్య నేర్చుట-యన్న వస్త్రములకే

పశుల నార్జించుట- పాల కొఱకె

సతిని బెండ్లాడుట- సంసార సుఖమునకే

సుతులఁ బోషించుటఁ-గతుల కొఱకె

సైన్యముల్ గూర్చుట-శత్రు భయంబుకే

సామునేర్చుటెల్ల-చావు కొఱకే

దానమిచ్చుట ముం-దటి సంచితమునకె

ఘనముగాఁ జదువుటల్-కడుపు కొఱకె

తే॥

యితర కామంబుఁ గోరక-సతతముగను

భక్తి నీ యందు నిలుపుట-ముక్తి కొఱకె

భూషణవికాస!శ్రీధర్మ-పురనివాస!

దుష్టసంహార!నరసింహ!-దురితదూర!