భువనరక్షక!నిన్నుఁ-బొగడ నేరని నోరు
బ్రజ కగోచరమైన-పాడుబొంద
సురవరార్చిత!నిన్ను-జూడ గోరని కనుల్
జలములోపల నెల్లి-సరపుగుండ్లు
శ్రీరమాధిప!నీకు-సేవఁ జేయని మేను
కూలి కమ్ముడువోని-కొలిమి తిత్తి
వేడ్కతో నీ కథల్-వినని కర్ణంబులు
గఠిన శిలాదుల-గలుగు దొఱలు
తే॥
పద్మలోచన నీ మీఁద-భక్తి లేని
మానవుఁడు రెండు పాదాల-మహిషమయ్య
భూషణవికాస!శ్రీధర్మ-పురనివాస!
దుష్టసంహార!నరసింహ!-దురితదూర!
కామెంట్లు లేవు:
కామెంట్ను పోస్ట్ చేయండి