భుజబలంబునఁ బెద్ద- పులులఁ జంపంగవచ్చు

సీ॥

భుజబలంబునఁ బెద్ద-పులులఁ జంపంగవచ్చు

పాము కంఠముఁ చేత-బట్టవచ్చు

బ్రహ్మరాక్షస కోట్ల-బాఱఁద్రోలఁగ వచ్చు

మనుజుల రోగముల్-మాన్పవచ్చు

జిహ్వ కిష్టముగాని-చేదు మ్రింగగవచ్చు

పదును ఖడ్గము చేత- నదుమవచ్చుఁ

గష్ట మొందుచు ముండ్ల-కంపలోఁ జొరవచ్చుఁ

దిట్టుబోతుల నోళ్ళు-కట్టవచ్చుఁ

తే॥

పుడమిలో దుష్టులకు జ్ఞాన-బోధ తెలిపి

సజ్జనులఁ జేయలేఁడెంత-చతురుఁడైన

భూషణవికాస!శ్రీధర్మ-పురనివాస!

దుష్టసంహార!నరసింహ!-దురితదూర!