ఉర్విలో నాయుష్య-మున్న పర్యంతంబు
మాయ సంసారంబు-మఱిగి నరుఁడు
సకల పాపములైతె-సంగ్రహించును గాని
నిన్ను జేరెడి యుక్తి-నేర్వలేఁడు
తుదకు గాలుని వద్ద-దూత లిద్దఱు వచ్చి
గుంజుక చిన్న వారు-కొట్టుచుండ
హింస కోర్వఁగ లేక-యేడ్చి గంతులు వైచి
దిక్కు లేదని నాల్గు-దిశలు జూడఁ
తే॥
తన్ను విడిపింపవచ్చెడి-ధన్యుడేడి!
ముందు నీ దాసుఁడై యున్న-ముక్తి గలుగు
భూషణవికాస!శ్రీధర్మ!-పురనివాస!
దుష్టసంహార!నరసింహ!-దురితదూర!
