అర్ధివాండ్రకు నీక-హాని చేయుట కంటె

సీ॥
అర్ధివాండ్రకు నీక-హాని చేయుటకంటె
దెంపుతో వసనాభి- దినుటమేలు
ఆడుబిడ్డల సొమ్ము-నపహరించుటకంటె
బండఁ గట్టుక నూతఁ-బడుటమేలు
పరుల కాంతలబట్టి-బల్మిఁ గూడుటకంటె
బడబాగ్ని కీలలఁ-బడుటమేలు
బ్రతుకఁజాలక దొంగ-పనులు చేయిటకంటె
కొంగుతో ముష్టెత్తు-కొనుటమేలు
తే॥
జలజదళనేత్ర నీ భక్త-జనులతోడ
జగడమాడుటకంటెను-చావుమేలు
భూషణవికాస!శ్రీధర్మ-పురనివాస!
దుష్టసంహార!నరసింహ!-దురితదూర!