నీల మేఘశ్యామ!-నీవె తండ్రివి మాకు

సీ॥

నీలమేఘశ్యామ!-నీవె తండ్రివి మాకు

కమలవాసిని మమ్ము-గన్నతల్లి

నీ భక్తవరులంత-నిజమైన బాంధవుల్

నీ కటాక్షము మా క-నేక ధనము

నీ కీర్తనల్ మాకు-లోక ప్రపంచంబు

నీ సహాయము మాకు-నిత్య సుఖము

నీ మంత్రమే మాకు-నిష్కళంకపు విద్య

నీ పద ధ్యానంబు-నిత్య జపము

తే॥

తోయజాతాక్ష!నీ పాద-తులసి దళము

రోగముల కౌషధము బ్రహ్మ రుద్ర వినుత

భూషణవికాస! శ్రీధర్మ-పురనివాస!

దుష్టసంహార!నరసింహ!-దురితదూర!