శ్రవణ రంధ్రముల నీ- సత్కథల్ పాడంగ

సీ॥
శ్రవణ రంధ్రముల నీ- సత్కథల్ పాడంగ
లేశ మానందంబు-లేనివాడు
బుణ్యవంతులు నిన్నుఁ-బూజసేయఁగ జూచి
భావమం దుత్సాహ-పడనివాఁడు
భక్తవర్యులు నీ ప్రభా-వముల్ పొగడంగఁ
దత్పరత్వము లేక-తలఁగువాఁడు
తన చిత్తమందు నీ-ధ్యాన మెన్నఁడులేక
కాలమంతయు వృధా-గడపువాఁడు
తే॥
వసుధలోనెల్ల వ్యర్ధుడు-వాఁడెయగును
మరియు జెడుగాక యెప్పుడు-మమతనొంది
భూషణవికాస!శ్రీధర్మ-పురనివాస!
దుష్టసంహార!నరసింహ!-దురితదూర !