నరసింహ శతకము...గౌతమీ స్నానాన-గడతేరుదామంటె

సీ॥
గౌతమీ స్నానాన-గడతేరుదామంటె
మొనసి చన్నీళ్ళలో-మునగలేను
తీర్థయాత్రలచేఁ గృ-తార్థుఁ డౌదామంటె
బడలి నేమంబు నే-నడుపలేను
దానధర్మముల స-ద్గతిని జెందుదమంటె
ఘనముగా నా వద్ద-ధనము లేదు
తపమాచరించి సా-ర్ధకత నొందుదమంటె
నిమిషమైన మనసు-నిలుప లేను
తే॥
కష్టముల కోర్వ నా చేతఁ-కాదు,నిన్ను
స్మరణ చేసెద నా యథా-శక్తి కొలఁది
భూషణవికాస!శ్రీధర్మ-పురనివాస!
దుష్టసంహార!సరసింహ!-దురితదూర!