పసరంబు పంజైనఁ-బసులఁ గాపరి తప్పు

సీ॥

పసరంబు పంజైనఁ-బసులఁ గాపరి తప్పు

ప్రజలు దుర్జనులైన-ప్రభుని తప్పు

భార్య గయ్యాళైనఁ-బ్రాణనాథుని తప్పు

తనయుండు దుష్టైనఁ-తండ్రి తప్పు

సైన్యంబు చెదిరిన-సైన్యనాథుని తప్పు

కూఁతురు చెడుగైన-మాత తప్పు 

అశ్వంబు చెడుగైన-నారోహకుని తప్పు

హస్తి దుష్టైన-హస్తీపకుని తప్పు

తే॥

ఇట్టి తప్పులెఱుంగక-యిచ్చవచ్చి

నటుల మెలఁగుదు రిప్పుడీ-యవని జనులు

భూషణవికాస!శ్రీధర్మ-పురనివాస!

దుష్టసంహార!నరసింహ!-దురితదూర!